ماشاء الله تبارك الله ولا حول ولا قوة إلا بالله العلي العظيم
 
الرئيسيةاليوميةس .و .جالمجموعاتالتسجيلدخول

شاطر | 
 

  'طريقتي في تنظيف التايل (tile)

اذهب الى الأسفل 
كاتب الموضوعرسالة
سدرة البيت



عدد المساهمات : 201
تاريخ التسجيل : 13/10/2012

مُساهمةموضوع: 'طريقتي في تنظيف التايل (tile)    السبت أكتوبر 13, 2012 8:33 pm

السلام عليكم ورحمة الله وبركاته
بدون مقدمات
اتمنى ما يكون فيه مشكله مع الصور

موضوعي اليوم عن تنظيف التايل
كنت بقدر امررلكم المعلومه باي رد باي موضوع بس المعلومه عمليه كتير ومن يوم ما اكتفشتها وانا مرتاحه ومبسوطه
كنت انظف المغاسل بكلوركس ايش اقول بتتعقم بس تقريبا كل مره بنظف الحمام بيني وبين الاختناق شعره
وطبعا جربت الاجاكس كيميكال وكنت اكب مي كثير جدا عشان اشطف الباث تاب والتايل اللي حوليه عشان اولادي بيتحمموا ببل باث مو شاور يعني لازم يملوا التاب مي ويبلبطوا عشرطعشر ساعه ويبلولي الدنيا وبعدين اكمللهم الحموم تبع العيد الصغير

المهم كنت اخاف انه فيه بقايا منظف على سطح التاب واتخيلهم بلعوا منه والا بيحرقلهم جسمهم بدي شغله أمنه نظيفه بنفس الوقت

عداكم عن تقطيع الايدين وهاتك يافرك مابعرف شو بتسموا المايلد اللي عالتيل من الصابون صعب يطلع وصحب تمشي معاه الليفه طبعا عسر ماء انا عارفه
بس بالفعل تنظيف الحمام كان جهد الى ان اكتشفت الطريقه لحالي ما غشيتها من حدى >>>>>>>>>هسه بتلاقي نص العالم عارفه وانا عايشه بكهف بتساووها بعرفكم >>>>>>>>>فيس بيضحك ضحكه صفراء والخد بيرجف بطريقه ابصر كيفنها مالقيت فيس مطابق

ايون وين صرنا
ايوا ياحبيباتي
انا عندي بالحمام دايمن بيكنج صودا >>>>>>>>>اذكى وحده هلأ بتكون عرفت كل القصه وانا عامليتها سر الاسرار
نرجع للبيكنج صودا او بيكربونات الصوديوم
او الكربونه
بحطها بعلبه صغيره للبنوتات بببس يخلصوا تفريش اسنانهم بيغطوها بالكربونه وبيفركوا اسنانهم فيها
وكمان منحط شوي على ماء التشطيف ممتاز بتقدروا تقوقلوا الموضوع وتعرفوا اسرار كثيره للكربونات

بس انا ايش بعمل كمان عندي بالحمام منشفه اللي موجوده بالصوره بتكون معلقه على جنب هادي كل مادخلت الحمام بمسح فيها المغسله اخذت الفكره من الطياره حاطين ساين صغيره بيطلبوا من المسافر المحترم يمسح المغسله بعد ما يستعملها عجبتني الفكره وعملتها بالبيت
هل ايش المغسله عليها مي يعني نظيفه بس لما بيغسلوا بيبلوا ام الدنيا فانا بنشف بهالمنشفه وبرجع بعلقها بلاقيها ناشفه ولما باجي اغسل المغسله برطبها وبحط كربونات وبمشيها عالمغسله بنات لا بدك تفركي ولا تشدي كانك بتلمعي مرايه على طول بينظف مو معقول كيف ورح تعرفي المكان اللي نظفتيه ماله داعي تفركي بنفس المكان وانتي مش عارفه نظف او لأ لان اذا نظف بتمشي معك المنشفه سريع جدن بتصير زلقه اما اذا اول مره بتمرريها عالمكان بتكون وي ستيكي وبعدين بتنظف >>>>>>>>>>الشرح عاهه انا عارفه بس انتوا ردوا وعلي وضياعكم على ايدي .........ايه قصدي نجاحكم

هل وحده بدها تقولي شو اختلف عن طريقتنا انا مرتاحه بقولك ياعمري الله يريح بالك ويخليلك اولادك حبيت افيدك باللي بعرفه انا بقولك جربي طريقتي مو خسرانه شي
واللي ماعندها تايل بطلبها طلب تجرب عالبلاستيك لان ماعندي اصلا هل غالبية البيوت مافيها تايل الحمام كله قطعه وحده فايبر قلاس خشن وحابه اعرف اذا الطريقه منيحه عالفايبر قلاس ياريت وحده تتبرع وتخبرنا




الصور واضحه الفوطه فوق وعليها بيكنج صودا بعد ما رطبتها ما رح يعلبك ويهرهر رح يضل عالفوطه لان الصابون بيحتك معاه فبيضل عالحيط


قبل التنظيف والفرفكه



حتى الحنفيات رح تلمع لمع وتبرق برق هادي قبل



بعد اكيد مابدها فطانه






وبس اتمنى الموضوع يلاقي قبول انا بجيب الكربونات بكيت كبير ما بستغني عنه ابدن وبستعمل علبة الكافي مين لما تفضى بشيل البلاستيك اللي عليه الكتابه وبخلي العلبه للحمام عشان ارش وافرفك ورح تلاقي المنشفه مالها ريحه بالمره لان الكربونات بتمتص الريحه فلارح تعفن عليكي ولا رح تطلعلك ريحه بالمره وبس تشطفيها او تحطيها بالغساله رح تنظف بشكل عجيب لان الكربونات بتدخل بالمنظفات كله لا رح تحتاجوا صابون ولامي كثير عشان تشطفوه بينشطف بسرعه ..................


الرجوع الى أعلى الصفحة اذهب الى الأسفل
 
'طريقتي في تنظيف التايل (tile)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عالم الفرح للأبداع  :: الحلول المنزليه :: ركن تنظيف وتنظيم المنزل-
انتقل الى: