طريقتي في تنظيم اعمال المنزل والتنظيف ...

السلام عليكم ورحمة الله و بركاته
اليوم حتكلم عن طريقتي في تنظيم بيتي
من ناحية التنظيف وهيك امور

بداية نصيحة لكل ست بيت

الغي من حياتك نظام ( حملات التنظيف )
والله انو مقرف وبيهد الحيل انا بكرهه جدا جدا ولا اطيقه

طيب حتقولو نعيش وسخين

طبعا لا

انا بتبع نظام الـ( اول بأول )

يعني دايما ايدي في البيت

والبيت دايما نظيف ماشاءالله

مااحتاج حملات تنظيف

وهالامر من سنين استخدمه ومرتاحة الحمدلله

بتكسبي انك مابتتعبي خلال اليوم كتير

بنفس الوقت البيت نظيف
وبنفس الوقت مابتيجيكي حملات تنظيف قاتلة وهادمة للظهر هههههه

حوضح الكم طريقتي عشان تفهمو

انا زوجي بيأجز السبت والجمعة ... أول الاسبوع بكون الاحد

الجمعة والسبت تنظيفي بكون خفيف عادي يعني

مع الاجازة و تجول زوجي في البيت وتركه للبصمات هههههههههههه

احتاج تنظيفة شاملة يوم الاحد

يعني يوم الاحد اقوم ب::: تنظيف شامل للمنزل بحيث انشر المخدات والالحفة مثلا

اشيل السجادات و لو في فراش ارضي ممكن ينشال

او اي اثاث يتحرك او يزال بسهولة

المهم و اكنس كل الغرف تكنيس شامل و امسح جيدا والمع كل البيت

يوم الاتنين التنظيفة الشاملة تكون للحمامات اعزكم الله

انظف الحيطان و الارضيات وافرشيهم كلهم يعني الحمام من راسه لرجليه

هلأ حتقولو يعني يوم الاحد مابتنظفي حمامات؟
ويوم الاتنين مابتمسحي الارض؟

حقلكم في امور ثابتة يوميا

كل يوم لازم اكنس من برة لبرة يعني الاجزاء الظاهرة من الارض بدون تعزيل ( عدا يوم الاحد طبعا)

والحمامات كل يوم تنظيف سريع (عدا يوم الاتنين يكون شامل )

فيعني كل يوم هالامور تقام

ويوم يكون في امر مخصص لتنظيفة ما باقي التنظيفات تكون جارية ولكن بشكل عادي

فالاحد عادي الحمامات تتنظف بس عادي
والاتنين وباقي ايام الاسبوع كل يوم اكنس وامسح وازيل الغبار

والبلكونة كل يوم طبعا مع هالحر والغبرة

طيب نيجي للتلاتاء

كل تلات انظف المطبخ بشكل شامل يعني انظف البوتاجاز بعمق و حامل الجلي اعزله وانظفه جيدا و اواني البهارات و الملح و القهوة ... الخ

المعها وامسحها

الكتل جهاز تسخين الماء انظفت

تيرمس الماء

الكاونترز تتعزل وتتنظف بمطهر وكلور

تحت الغاز انظف كمان والفرن

حامل البصل والبطاطا امسحه

التلاجة كمان

والتلاجة تتنظف تنظيفة عميقة كل اول شهر مع السوق الشهري

اما اسبوعيا بشكل سريع

يعني دايما ايدي فيها

المهم والمطبخ اكمله كمان امسح الحيطان بقماشة و ملمع الزجاج

والنمليات او الخزانات امسحها ايضا من برة وجوة

مممم شو كمان ؟؟؟

وبالاخير بشطف المطبخ بالمطهر المنظف والكلور وافرشي الارض واعزل مايمكن تعزيله من برميل الطحين و الفرن و حامل البصل والبطاطا

وافرشي بالمنكسة الخشنة عارفينها ؟اكيد

وتحت التلاجة كمان

وتكون شطفة شاملة كاملة

اما كل يوم الغاز ينمسح عادي و الشطف يكون عادي

ممممم

عاد الاربعا والخميس

اعمالهم تكون اسبوع بعد اسبوع

الاربعا تلميع الابواب

الخميس المرور على الشبابيك وتكتكة الغبرة و تلميعها

والجمعة والسبت الاعمال العادية الحمام والمسح والكنيس والمطبخ
اكيد فكرته اني هلكانة

لالا

صدقوني ماشاءالله البيت دايما نظيف

صحيح كمان انا انظف دايما جرات الغاز وفوق الدولاب والتلاجة وهي الزوايا الخبيثة هههههههههههه

والحمدلله ماشاءالله تبارك الله الان النسوان طابين في حملات رمضان وانا عادي ماتغير شيء

باستثناء الشبابيك لانو سكننا في الشقة اول السنة وكانت الدنيا مطر و طينة

قلت برجعو يتوسخو

فهلأ نظفتهم كلهم غسيل وتعزيل

طبعا هلكت هلكت هلكت وقرفت جدااااااااااااااااا

ولكن هالمرة وبسسسسسسسسسسسس
بعد هيك يصيرو مع الجدول الاسبوعي تلميع وازالة غبرة

بهيك ماعمري برجع اعمل حملات تنظيف مهلكة الهم
وبضلو نظاف

طبعا خزانات المطبخ مش كل اسبوع اكيد يعني لو حسيت وسخو او غبرو من جوة

بصير كل يوم اعزل وحدة

لا بحس فيهم ولا بتعب

كل فترة وفترة بعمل هالامر

اما اعزل واشيل مرة وحدة طلعة روح

مابضل بالنهاية الا السجاجيد والستاير هي من فترة لفترة

حاليا ماجلة لقرب العيد السجاجيد اما الستاير نظيفة لانها جديدة

وانا هيك مرتاحة

ولايمكن لايمكن اترك اشي يتراكم اصير في المواسم اجري وراه وانظفه

انا الشبابيك كانت استثناء بسبب ظروف السكن

وحسيت بدي انتحر

مابرجع اكرر هيك امر

جربت انا حملات التنظيف قبل فترات اول زواجي وكان اشي مقرف

هيك احلا شيء

توفير وقت و انظف عمدار السنة

,,,,,,,,,,,,,,,,,,,,,,,,,

منظفاتي الي استخدمهم

جل العملاق::: اسم على مسمى

مطهر ومنظف للارضيات و الحمامات وملمع الها ومطهر ويمنع تواجد الحشرات

بتعرفوه؟

هي صورته من النت وحاطين الكو كمان المزور عشان تاخدو بالكو هههههههههه



روعة والله روعة بجنن ومهما قلت في حقه قليل هالعملاق صحيح انو عملاق

استخدم الكلور اجيب غالون 4 لتر بيضل عندي شهرين نوعه ممتاز مركز اسمو كلورونيكا

مالاقيت منه على النت صورة

واستخدم للجلي سائل بريل او اوكسي او فيري كلهم مناح

واستخدم للارضيات احيانا من سائل الجلي احيانا كلور معاه واحيانا بدون وطبعا الجل الاخضر هادا في الصيف اكتر منو عشان اسد نفس الحشرات عن بيتي

واستخدم سائل معطر بجنن وبنفس الوقت بيرغي و بينظف و بيطلع ريحة منعشة في منه روائح متعددة

من ماركة اسمها سانو

هي صورته بالليمون بس انا جبت مرة بالباشن فروت وكان حلو والمرة جبت بالمسك والورد حلو كتير

كل مرة بغير بس ماجربت اللمون لسة


وبس هادي منظفاتي

احيانا صحيح اجيب مذيب الدهون بس مو كتير بحتاجه لانو بنظف الغاز اول باول مايتراكم اشي عليه بعدين جربته مرة على صنية المنيوم بقعتها وسودتها انتبهو

مممممممممممممممممممم

والغسيل احاول انظم والم الغسيل مرة وحدة وبالصيف الغسيل يكتر بس احاول تبقا الغسلات محددة مش فوضوية عشان الغسالة احافظ عليها

اااه نصيحة وانت تطبخي اجلي اول باول كل شيء ت والله ستخدميه معلقة صحن هيك

عشان مايخلص الاكل وتلاقي كارثة عالمجلى

انا هيك بعمل واول مااخلص طبخ بصب الاكل و بسرعة مابكون تبقا الا الحلة والمقلاة مثلا بجليهم بسرعة و بشطف الارض بسرعة بكون الاكل برد شوي وباخدو وبناكل
اما يوم الحملة الخاصة بالمطبخ بعد الغدا اكمل كل شيء

وكمان نصيحة في رمضان اطبخي وقت الظهر زي دايما احسن بس خلي الصنية جاهزة للفرن مثلا
بس تحتاج تحمير

والكل جاهز بس السلطة قبل الافطار

انا هيك برضو بعمل من سنين اريح خاصة في الحر بحس بالانهيار لو حدخل اطبخ بعد العصر والله كارثة بعد العصر خلصت طاقة الواحد ادخل لسة اطبخ و انفخ اعمل حلو وشوربة و سلطة

ماساة

انا بدخل قبل المغرب بشوي بجهز الناقص والسفرة والتمر وهيك وخللللللللللللص

بستغرب من الناس الي بطبخو قبل المغرب بشوي وبيأدن وهما بيقلو و بيجلو و بيعملو ميت اشي

بحس بالدوخة من المنظر هههههههههههههههههههه


وسلامتكم

وكل عام وانتو بخير والدنيا حر حر ياجماعة حاسة بدي اسيح الواحد بتحمم وبطلع سايح برضو مافي اشي جايب نتيجة هههههههههههههههه
ضروري هالسنة نعيش في الطشت لازم يخترعو طشت متحرك مع الانسان فعلا الجو لا يطاق الله يعين الموظفين والطلاب في رمضان

انا مابعرف قيمة البطالة الا في رمضان هههههههههههههههههههههه بحس الواحد كويس مايكون لاقي شغل في رمضان شايفين العبقرية الفذة؟

دعواتكم لي
تقريبا هادا كل شيء الحمدلله