عندك حاجة محروقة تعالى احلهالك

يا حلويين انا ومن غير رغى كتير انا كسولة ومش بحب ادعك كتير وعندى جهاز المطبخ معظمة استنلس وطبعا كتير قوى كنت انسى الحلل والبراد او الكنكة لحد ما تبقى جمرة حمرا هههههههه وبعدين تسود ويبقى شكلها وحش ويا اما ارميها او اخليها لسلق البيض وفيوم جبت بوتجاز جديد والعين حقت سطح البوتجاز الاستنلس من اول مرة استعملتة طبعا اناولعت من الغيظ اتصلت بالشركة وجانى الندوب صلح العين قمت قلتله طيب والى اتحرق دةوانا كدة قام مطلع حتة صنفرة ناعمة من الشنطة ودعك بيها هى لمعت صحيح بس علشان البوتجاز كان جديد حسيت انه اتجرح وصممت يغير الوش كله وبعد ما نزل على طل رحت ماسكى البراد القديم والكنكة كنت راكناها وصعبان عليا ارميها لانها اتحرقت منى من اول استعمال وتحت الحنفية وهاتك يا دعك بالسنفرةودة كان شكلى بع د ما خلصت الاستنلس رجع تاى ابيض وزى الفل ومن بعدها مسكت حلة ورا حلة وصنية ورا صينيه وانا مش مسدقة ان حاجتى رجعت تبرق زى الاول بس للامانة السنفرة بتجرح شوية اول اتعمال بس انا عندى تبقى حاجتى زى الفل وبتبرق ومتجرحة شوية احسن متكون مسودة ومطوسة والاماكن الى فيا تنيات بتتركز الدهون فيها وبتتحرق دى بقى بتنى حتة الصنفرة على ملعقة وبدخللها فى التنيات دى وادعك برضو صدقونى الاستنلس رجع يبرق الصوانى والحلل وكما حوض المواعين من غير منظغات ولا حاجة يارب تجربوها وتنبسطو وتدعولى وعايزة اشكر فتكات قسم التدبير المنزلى والنظافة لان بجد بجد فيه افكار حلوة لتنظيف البيت وترتيبة وفيه ستات اورايب جدا بصراحة شجعونى ان انظف وارتب البيت وابطل كسل وبنصحكم تزوروا القسم دة ومش هتخرجوا منه ابدا وهتستفادو جدااااااااااااااااااااااااا