تعزيلة دمها خفيف لغرفة النوم

بسم الله الرحمن الرحيم

السلام عليكم ورحمة الله وبركاته

وعلى السريع على صلب الموضوع بدون لف ولا دوران

نصيب هذا الويك اند كان تعزيل غرفة النوم
يعني تعزيلة صغنونة


ياللا اتفضلو...........اتفرجو على ست المعدلات
فتحنا شبابيك الغرفة لحتى تتهوى


فرشة التخت رفعناها لحتا يتهوى تحتيها وتتنفس



وكنسنا تحتها منيح


كنست الفرشة كمان




وهدول الخشبات اللي بتكون الفرشة مسنودة عليهم فيكو تمسحوهم او تكنسوهم بهاي القطعة اللي بتكون مع المكانس الكهربائية زي الفرشاية مليحة للزوايا



هون بس خلصت الشباك سكرته وكنست البرداية.........



اكيد عارفين شو هذا؟

هذا ظهر الخزانة............انا بصراحة لما كنت بدار اهلي تعودت اطلع على السلم واقحط بظهر الخزانة بس ما عندي في داري سلم؟!!!!...........فعلى قد ما قدرت مديت المكنسة وكنست الغبرة من فوق



وهذا النيون............اكيد ما رح ننساه



الزجاج انا مسحتة اول شي بفوطة ناشفة وبعدين رشيته بالمحلول السحري (ديتول وكلور ومية بنسب متساوية)
وما كان يحتاج لملع بعديها لانه ما شاء الله صار متل الفلة



مسح زجاج الغرفة من مرايا


مسح الباب كمان بالمحلول السحري



اخخخخخخخ اتشعبطنا لحد الثرية تاعت الغرفة ومسحناها...........مش خسارة فيها



بعد ما خلصنا من مسح كل اشي وبدينا من فوق لتحت
صار وقت نكنس الارض الزوايا وكل الجهات




هون في نصيحة بدي احكيلكو اياها اذا بتحسو للسجاد عنكو اله ريحة رشو السجاد او الموكيد بكربونات الصودا وبعد ربع ساعة اشفطو باغلمكنسة تقريبا الريحة بتروح





وبالمرة رتبت خزانة الكريمات


عشان الخزابن اللي فوق ما يكون فيها اللا الضروري الضروري

عملت شوية ديكور صيفي على لون برتقالي.............لزوم الجو العام










وياللا نسكر الباب ونخلي الغرفة نضيفة

والى اللقاء في تعزيل غرفة ثانية
سلملم
لكم تحياتي واحتراماتي


الماسة

ام سهام واسيل وعبد الله